luns, 29 de xuño de 2015

CONCURSO A CORUÑA EN SEPIA

A Asociación Palaestra e a Asociación de Iniciativas Culturais e Deportivas Universitarias (INCUDE) colaboran por segundo ano nun concurso de fotografía baseado nos cambios experimentados na cidade da Coruña.

A idea é realizar unha fotografía actual do lugar que aparece nas que iremos publicando, de forma que se premiará á mellor serie de fotografías que reflexen os cambios.

Deste xeito invitamos a meditar non só aos participantes, se non a todos os lectores das nosas webs, sobre a evolución da cidade e a transformación dos seus espazos, reflexionando sobre os cambios entre A Coruña do século XX e a do século XXI.

Dende o 1 de xullo publicaremos unha fotografía cada domingo e mércores, finalizando a serie a finais de setembro. En relación ao ano pasado, as vinte e cinco fotografías escollidas nesta edición serán de edificios e ruas mais doados de recoñecer na cidade de hoxe.

As fotografías poden remitirse a incude@udc.es ata o 30 de outubro de 2015.

Coas fotografías realizarase unha pequena exposición.

Ademais haberá os seguintes premios:

1º PREMIO: Trofeo, libro e 100 €
2º PREMIO: Trofeo, libro e 50 €
3º PREMIO: Trofeo, libro e 25 €

sábado, 6 de xuño de 2015

II Olimpiada de Xogos Mentais

Celebramos a segunda edición da Olimpiada de Xogos Mentais, a desenvolver en varios días de xuño e xullo. Animámosvos a todos a participar!


Datas:

VENRES 12 e 19 de xuño:
Torneo de Xadrez: XXV Campionato Universitario de Xadrez
Lugar: Sala Xadrez, Andar -1, CUR
Hora: 18,00

MARTES 9 de xuño:
Torneo de Tute
Lugar: Aula 2, Andar 0, CUR
Hora: 18,00

DOMINGO 14 de xuño:
Torneo de Age of Empires II
Lugar: Aula 2, Andar 0, CUR
Hora: 18,00 

MARTES 16 de xuño:
Torneo de Póquer
Lugar: Aula 2, Andar 0, CUR
Hora: 19,00

VENRES 19 de xuño:
Torneo de Rápidas de Xadrez: XXIII Campionato Universitario de Rápidas de Xadrez
Lugar: Sala Xadrez, Andar -1, CUR
Hora: 19,30

VENRES 26 de xuño:
Torneo de Trivial
Lugar: Aula 2, Andar 0, CUR
Hora: 19,00

SÁBADO 27 de xuño:
Torneo de Damas
Lugar: Praza das Conchiñas
Hora: 12,00

DOMINGO 5 de xullo:
Torneo de Game of Thrones
Lugar: Aula 2, Andar 0, CUR
Hora: 17,00


Bases:

1. O local de xogo será o Centro Universitario de Riazor (CUR), na Aula 2 do Andar 0; agás os torneos de xadrez, que se celebrarán na Sala de Xadrez no Andar -1 do CUR, e o Torneo de Damas, que será na Praza das Conchiñas.

2. Entregarase un pequeno agasallo ao gañador de cada proba na ceremonia de clausura da Olimpiada.

3. Establecerase unha clasificación xeral da Olimpiada. En cada torneo se darán puntos aos 10 primeiros clasificados: 10 puntos ao 1º, 9 puntos a 2º, 8 puntos ao 3º, etc. Sen límite de torneos.

4. Os tres primeiros da clasificación xeral recibirán un trofeo.

5. Cota: gratuíta.

6. Inscripcións: Os interesados en participar nalgunha das probas deberán escribir un email co seu nome, apelidos e centro universitario, de for o caso, a incude@udc.es

7. A entrega de premios será o domingo 5 de xullo ás 21.00, xusto despois do torneo de Game of Thrones, na aula 2 do CUR.