Resume Torneo LOL

O torneo de League of Legends deste ano rematou coa vitoria do equipo Royal Academy, capitaneado por Mario Sánchez, estudante do grao en Ciencias Empresariais, que se impuxo na final a CMamo, liderado por Miguel Faraldo, do grao en Humanidades, Lingua e Filoloxía Inglesa. 

Foi un torneo de dous meses de duración, no que se completou o cupo de equipos e, especialmente nesta edición, destacouse pola creación dunha comunidade activa e un ambiente excelente. Moitas persoas ofrecéronse voluntariamente para comentar, streamear e axudar coa organización, e mesmo se organizaron partidas internas entre a xente do servidor de Discord, o que contribuíu a que se coñecera máis xente e se xerara un bo grupo arredor do torneo.

Info completa: https://docs.google.com/spreadsheets/d/11IdcGKqG9nE8Gnw-BpfuSoPfFPhuIZZy9bwySDs0Crs/edit?gid=1284667501#gid=1284667501

I Concurso de Microrrelatos Irmandiños

As asociacións CHERINKAS E INCUDE convocan o I Concurso de Microrrelatos Irmandiños no marco do Asalto ao Castelo de 2025.

Animan a todas as persoas con querenza pola narrativa breve a participar no concurso, cuxo tema central terá que ver coa revolta irmandiña. O fin de prazo de inscrición remata o 27 de xuño. As bases do concurso pode consultarse a continuación:

1. Participantes: Aberto a todas as persoas.

2. Temática: Revolta Irmandiña.

3. Extensión: Máximo de 50 palabras.

4. Idioma: Galego.

5. Envío: A través de incude@udc.gal.

6. Modo de inscrición: envío do relato en documento adxunto (con título e pseudónimo) e  noutro documento os datos persoais (nome completo, DNI, localidade, teléfono e correo electrónico).

7. Prazo: Ata o 27 de xuño de 2025.

8. Premios: Trofeo da asociación para os tres mellores relatos.

9. Xurado: Decidido pola Xunta Directiva de INCUDE, con decisión inapelable.

10. A cerimonia de entrega de premios terá lugar no día central do Asalto, isto é, o primeiro sábado de xullo, á hora disposta na programación.

11. A recollida dos premios será presencial. No entanto, se por algún motivo a persoa premiada non pode acudir, pode delegar noutra persoa facendo constar os datos da persoa que substitúe á premiada a través do correo arriba indicado. 

12. Publicación: Os relatos presentados, sexan ou non premiados, pasarán a pertencer á entidade organizadora do certame e, por tanto, poderán ser publicados.

13. A participación no concurso implica a aceptación íntegra destas bases.