venres, 15 de outubro de 2021

TORNEO ONLINE DA UDC

Neste curso 2021-2022 imos tentar recuperar a normalidade. O primeiro é convocar unha nova edición do campionato interno de xadrez en liña da UDC!

Bases do Campionato Interno de Xadrez en Liña da Universidade da Coruña

1. Poderán participar todos os membros da comunidade universitaria da UDC: estudantado, persoal de administración e servizos, persoal de proxectos e convenios, e persoal docente e investigador. Poderán participar tamén os ex-alumnos da Universidade da Coruña.

2. A plataforma de xogo será www.chess.com. Os participantes deberán ter unha conta na devandita páxina, gratuíta, e poderán xogar as partidas tanto vía web como a través da aplicación para móbil. 

3. O torneo dará comezo o 1 de novembro de 2021. Os participantes deberán ser membros do Club UDC na devandita plataforma xestionado polo usuario INCUDE. Para os que non sexan membros hai que enviar unha mensaxe ao enderezo de correo electrónico incude@udc.es indicando o seu nome, apelidos e usuario en chess.com. Esta mensaxe deberá enviarse dende o correo do dominio udc como xeito de comprobar a relación presente ou pasada coa universidade.

4. A inscrición é gratuíta e non hai límite de prazas.

5. O sistema de xogo será de dobre round-robin (todos contra todos con ambas cores), cunha fase previa de grupos e unha posterior fase final, en función do número de participantes. A fase final, de habela, comezará en canto rematen todos os grupos da fase previa. En cada grupo xogarase contra todos os rivais á vez e con ambas cores. 

6. O ritmo de xogo será de tres días por xogada, sen dereito a vacacións.

7. Os sistema de desempate será o empregado por chess.com en primeiro lugar (sonnenberg-berger) e, de ser necesario, os seguintes desempates aplicados pola organización: (1) sonnenberg-berger, (2) maior número de victorias, (3) maior número de victorias con negras, (4) resultado particular, e (5) sorteo.

8. A organización resérvase o dereito de adxudicar o resultado dunha partida se cre que se está alongando de xeito malintencionado evitando innecesariamente a finalización do torneo. 

9. Non está permitido empregar módulos, bases de finais, ou consultar a outros xogadores. Si están permitidos libros de aperturas ou libros de calquera outra temática tanto físicos como virtuais. As decisións da plataforma de chess.com con respecto as trampas son inapelables. Se a organización entende que un xogador está a empregar módulos, este será expulsado do torneo.

10. Premios: Trofeo para os tres primeiros. 

11. A participación no torneo supón a aceptación das presentes bases.

xoves, 2 de setembro de 2021

Olimpiada Xogos de Enxeño

OLIMPIADA XOGOS ENXEÑO


Colaboración coa Asociación Galega de Axedrecistas e a Casa das Ciencias.
Actividade de carácter aberto para tódolos interesados.

Horario das accións: 16,30 – 18,30

Pola situación COVID partimos do limite a 10 persoas mais monitor que teñen os museos.

A Mind Sports Association, é unha entidade que reune dende 2005 ás federacións internacionais dos deportes de mente mais recoñecidos, sendo as fundadoras as federacións de Damas, Xadrez, Bridge e Go. Aínda que o Bridge ten o recoñecemento de deporte universitario pola FISU, non hai na práctica bridge universitario en España, polo que serán os outros tres xogos a base da actividade.

ACTIVIDADE 1: ACTIVIDADE DE XADREZ
Sábado 4 de setembro: Partidas libres e clases de iniciación ao xadrez.
Domingo 5 de setembro: Torneo de partidas rápidas. Trofeo Promocion de Xadrez.

ACTIVIDADE 2: ACTIVIDADE DE DAMAS
Un xogo moi coñecido en España, pero onde xógase una modalidade non recoñecida internacionalmente.
Sábado 11 de setembro: Partidas libres e clases de iniciación ás damas (var. española).
Domingo 12 de setembro: Torneo de partidas rápidas. Trofeo Torneo Universitario Damas.

ACTIVIDADE 3: ACTIVIDADE DE GO
Moi pouco xogado en España, ainda que en case todas as cidades hai grupos de practicantes (como no caso da Coruña ou de Santiago). Son mais coñecidos os xogos de Othello ou o Reversi (que aparecía antes en versións antigas de Windows) que son unha versión reducida do Go. Neste caso e debido a longa duración das partidas de Go, o Torneo será os dous días e simultáneamente haberá explicacións e partidas de Othello e de Go en taboleiro reducido.
Sábado 18 de setembro: Torneo Universitario de Go.
Domingo 19 de setembro: Torneo Universitario de Go

Información para anotase na web dos Amigos da Casa das Ciencias:

xoves, 29 de xullo de 2021

XORNADA LUDICA DO LUGNASAD

Dende hai uns anos facemos algunha actividade lúdica nas principais festividades da tradición celta, aínda que coa COVID a cousa complicouse bastante.

Na noite do 31 de xullo ao 1 de agosto tiña lugar a festividade de Lugnasad, a asemblea ou xogos de Lug, e con esta antiga festa como excusa imos propoñer algunhas cousas: 

Venres: Ven botar unhas partidas de xadrez de 19,30 a 20,30. Farémolo no Centro Comercial Los Rosales (1ª planta).

Sábado: Sendo unha festividade en honra a Lug, consideramos que o mellor é ir a Lugo, pero en vez de a capital iremos a Monforte de Lemos. Coa situación COVID pensamos que o mellor é que cada un vaia pola súa conta. Se ides todo o día recomendamos visitar o Museo do Ferrocarril ou o de Arte Sacra. Pola tarde dende as 16,30 xogaremos unhas poucas partidas de xadrez no xardín do Pazo de Tor e teremos unha visita especial para os participantes. Mira as bases desta tarde de xadrez AQUI.

Sábado e domingo: Se o que che vai e xogar online, este ano en vez do torneo de LOL que fixemos o ano pasado imos probar por primeira vez co Fortnite. Partidas eliminatorias sábado e domingo. As bases e inscrición a tedes nesta LIGAZON

E se gostas da maxia, estamos a ver como presentar a nova actividade de maxia de INCUDE o domingo 8 de agosto en Ares, facilitando que asista xante dos dous campus. Permanecede atentos á nosa web.

mércores, 28 de xullo de 2021

TORNEO DE FORTNITE EN LUGNASAD

Do mesmo xeito que o ano pasado fixemos un torneo de LOL, este ano imos facer unha proba cun torneo de Fortnite, para a nosa Xornada Lúdica do Lugnasad.

1. Máximo 32 participantes. Que xogarán por eliminatorias. Cada eliminatoria será ao mellor de tres partidas.

2. Calendario para 32 participantes:
Primeiras eliminatorias: 
1ª Elimin.-31/07/2021-17,00
2ª Elimin.-31/07/2021-17,15
3ª Elimin.-31/07/2021-17,30
4ª Elimin.-31/07/2021-17,45
5ª Elimin.-31/07/2021-18,00
6ª Elimin.-31/07/2021-18,15
7ª Elimin.-31/07/2021-18,30
8ª Elimin.-31/07/2021-18,45
9ª Elimin.-31/07/2021-19,00
10ª Elimin.-31/07/2021-19,15
11ª Elimin.-31/07/2021-19,30
12ª Elimin.-31/07/2021-19,45
13ª Elimin.-31/07/2021-20,00
14ª Elimin.-31/07/2021-20,15
15ª Elimin.-31/07/2021-20,30
16ª Elimin.-31/07/2021-20,45
Octavos:
1ª Elim. 8ºs-1/08/2021-17,00
2ª Elim. 8ºs-1/08/2021-17,15
3ª Elim. 8ºs-1/08/2021-17,30
4ª Elim. 8ºs-1/08/2021-17,45
5ª Elim. 8ºs-1/08/2021-18,00
6ª Elim. 8ºs-1/08/2021-18,15
7ª Elim. 8ºs-1/08/2021-18,30
8ª Elim. 8ºs-1/08/2021-18,45
Cuartos:
1ª Elim. 4ºs-1/08/2021-19,00
2ª Elim. 4ºs-1/08/2021-19,15
3ª Elim. 4ºs-1/08/2021-19,30
4ª Elim. 4ºs-1/08/2021-19,45
Semifinais:
1ª Semif.-1/08/2021-20,00
2ª Semif.-1/08/2021-20,15
Final:
Final-1/08/2021-20,30 -

O sorteo e adaptación do calendario realizarase o sábado ás 12,00 ou cando se cheguen aos 32 participantes.

3. Premios
Trofeo para o primeiro alumno de la UDC.
Sorteo de camiseta de INCUDE entre participantes residentes en Galicia (a recoller na sede da asociación na Coruña).
En caso de mais de 15 participantes entregarase unha tarxeta de Google por valor de 15€ ao campión.

A participación non leva aparellada o pago de ningunha cota e os participantes son conscientes de que este torneo é unha proba amigable. Os nomes e nicks e capturas das partidas poden ser empregadas para promocionar actividades similares.

venres, 18 de xuño de 2021

Curso Docente de Xadrez

Se estás interesado, inscríbete canto antes!

Este curso de formación foi concibido para proporcionar aos asistentes unha certificación conforme á existencia de coñecementos e comprensión suficientes para a actividade de xadrez educativo e social. Desde INCUDE ofrecerase unha serie de pautas e exposición das experiencias dos últimos anos con alumnos entre 4 e 93 anos.

Modalidade: Online ou mixto

Acreditación: O curso proporciona a aqueles que superen o exámen dúas titulacións; School Chess Teacher Training (avalado pola Federación Europea ECU101) e Docentes de Nivel I da Federación Española de Xadrez.

A asistencia ás clases online e a realización do traballo práctico será recoñecida polo certificado correspondente. Solicitaranse créditos ETCS. (informaremos dos progresos).

Contidos:  
Métodos didácticos: método SMART®, técnicas de cuestionamiento, métodos de xogo, habilidades de pensamento, código de conduta, organización de torneos de clase, minijuegos, formatos sociais, resolución de problemas, termos de planificación e leccións.

Desenvolvemento do curso:
A duración do curso estímase entre 69 - 94 horas.

Parte teórica:
Luns 12 de xullo: 16,00 a 20,00. Clases online. 
Martes13 de xullo: 16,00 a 20,00. Clases online. 
Mércores 14 de xullo: 16,00 a 20,00. Clases online. 
Xoves 15 de xullo: 16,00 a 20,00. Clases online. 
Venres 16 de xullo: 16,00 a 20,00. Clases online. 
A primeira hora das sesións será de explicación de experiencias da Escola e as tres seguintes de temario dos cursos federativos.
Luns 19 de xullo: 16,00 a 20,00. Repaso e exame ás 19,00.
Total horas parte teórica: 24 horas.

Parte práctica:
Para o traballo, que se desenvolverá de acordo ás indicacións do profesorado, o alumno poderá optar por dúas modalidades; 1) Desenvolvemento dun traballo final teórico, que deberá ser entregado pola súa valoración antes do 19 de agosto ou 2) Realización do temario dun curso de 15 horas e impartición do mesmo. (A parte de impartición será remunerada coa devolución do importe do curso).
Este traballo práctico ocupará ao redor de 45-70 horas.

Participantes: 
Poden inscribirse todos os interesados a partir de 16 anos.
É necesario posuír coñecementos básicos de xadrez.

Composición máxima do grupo: 30. Composición mínima: 11.

Curso impartido por Olympia Chess Academy en colaboración coa Escola Universitaria de Xadrez de INCUDE.

Matrícula:
170 euros (recuperables en función da modalidade de traballo práctico elixida).

Inscrición:
Farase a preinscrición mediante correo a escola@xadrezuniversitario.org. 
Unha vez confirmado o mínimo solicitarase o pago da matrícula.

mércores, 9 de xuño de 2021

XADREZ E MAIORES

O Departamento de Xerontoloxía acaba de remitirnos o artigo publicado tras a nosa iniciativa de empregar o xadrez como preventivo de problemas cognitivos e valorar dun xeito científico.

Como entidade universitaria estamos encantados destas primeiras aproximacións e dos que virán en canto a COVID o permita.

Moitas grazas ao Departamento de Xerontoloxía por darlle vida á nosa proposta. 

xoves, 20 de maio de 2021

Fervenza do Toxa e Carboeiro

Este domingo imos ao Deza. Con esta actividade recuperamos a nosa actividade de excursionistas.

Imos facer mentras dure a situación actual grupos pequenos, de 2 a 8 persoas, que é mellor pola situación, polo medio ambiente e por organización.

O destino e a Fervenza do Toxa e o Mosteiro de Carboeiro (este último xa o visitamos hai anos como podedes ver en http://www.visitacultural.com/2017/10/mosteiro-de-san-lourenzo-de-carboeiro.html)

Iremos en coches particulares, cada cal ao seu ritmo con idea de chegar entre 12,00 e 13,00 e comer na ruta.

Entre xoves e venres determinaremos a hora e se queres unirte escribenos a incude@udc.es

As características desta ruta, que buscaremos facer no futuro con mais xente é a que podes ver na folla informativa.

Visitas previstas no 2021: Castro de Elviña, Castelo de Santa Cruz, Pazo de Mariñán, Pazo de Tor (Monforte), Ponte Furelos (Melide), Celanova...