I Concurso de aplicacións Android

Celebrouse durante o ano 2014 o I Concurso de aplicacións para android, consistente no desenvolvemento dunha aplicación para android de carácter cultural. Organizouno INCUDE, coa colaboración da Deputación Da Coruña.

O gañador foi José Alberto Ortega, coa aplicación Tour Riazor:

https://play.google.com/store/apps/details?id=es.aortega.tourriazor

O segundo clasificado foi Lot Amorós coa aplicación Flone Remote:

https://play.google.com/store/apps/details?id=processing.test.floneremote


Moitas grazas aos participantes

Visita ao Palacio da Capitanía

O pasado venres fixemos unha visita ao Palacio de Capitanía (aínda que xa non hai Capitanias Xerais como antes). Un edificio interesante no que fixo de cicerón o comandante Costas, explicando diferentes detalles da historia do inmueble e dalgunhas das pezas que acolle.

Para todos aqueles que se perderon esta iniciativa, o Palacio ensínase os últimos venres de cada mes.

A nosa visita físoxe en colaboración coa Asociación de Historia y Cultura Militar Noroeste.

Visita ao Palacio da Capitanía

Coñeces o Palacio da Capitanía? Está situado na Praza da Constitución, na Cidade Vella.
Dende non hai moito tempo se veñen organizando visitas guiadas ao seu interior, polo que queremos animarte a coñecelo o próximo VENRES 28 DE NOVEMBRO a partir das 11.
A visita será gratuita e tes toda a información sobre a mesma neste tríptico.
Apúntate escribindonos a incude@udc.es
En colaboración coa Asociación de Historia y Cultura Militar Noroeste.

Ampliado o prazo de admisión do I Concurso de Aplicacións Culturais en Android

Dada a celebración da VII Feira de Asociacións de Estudantes da UDC, dende INCUDE decidimos ampliar o prazo de admisión do I Concurso de Aplicacións Culturais en Android ata o VENRES 14 DE NOVEMBRO.
Aproveita estos ultimos días para conseguir ata 200 € de premio!
Podes consultar as bases do concurso en http://incude.udc.es/ConcursosCulturais.pdf

En xogo o II Campionato el liña da UDC

Comezou por fin o II Campionato el liña da UDC. Foron en total 40 os inscritos ao campionato, dos que comezaron finalmente 38. Xogaranse en 5 grupos dos que pasarán os dous mellores de cada grupo á fase final.

Destacada participación dos universitarios da facultade de informática, que a elevan á cifra de 13 xogadores. Outros centros con variada participación son os de economía e empresa con ata 7 xogadores, ciencias con 4 e arquitectura con 3.

Visita ao Castelo de Santa Cruz e ao CEIDA

Hoxe, día 11 de outubro de 2014, tivo lugar a visita ao Castelo de Santa Cruz dentro das iniciativas para o fomento da cultura e do coñecemento do patrimonio histórico de Galicia.

O Castelo de Santa Cruz esta situado e pertence ao concello de Oleiros. Tratase dunha illa no golfo Ártabro unida por unha pasarela, aínda que ao chegar a marea estaba baixa e permitía que se puidese chegar pola area.

Na visita contamos coas inestimables explicacións dunha especialista do Centro de Extensión Universitaria e Divulgación Ambiental de Galicia. Tivemos ocasión de coñecer a historia do castelo dende o motivo da súa construción, despois do asalto do pirata Francis Drake, ata as diversas remodelacións. Dentro das lendas que rodean a este castelo está a do canón "Barraco" que se di que nunca puido sacarse da illa e posiblemente estea enterrado na mesma.

Outro dato curioso que nos deixou esta visita foi poder ver o único pombal soterrado de Galicia que, por certo, aínda ten pombas que habitan tan orixinal lugar.

Os asistentes concluímos que foi unha visita moi interesante. Dende INCUDE esperamos poder ofrecer mais iniciativas desta índole, tal e como nos solicitaron gran parte dos asistentes.

Últimos días para apuntarse as nosas excursións

Este MERCORES 8 DE OUTUBRO remata o prazo para reservar praza nas nosas excursións!

A pasada excursión ao Castro de Elviña tivo boa participación. e o vindeiro fin de semana temos dúas propostas diferentes

Sábado 11 de outubro: O CEIDA
Situado no Castelo de Santa Cruz, é o Centro de divulgación ambiental da Universidade.
Faremos unha visita guiada saíndo en autobús do Centro Universitario de Riazor ás 11,00.
Mándanos o teu nome e centro a incude@udc.es

Domingo 12 de outubro: SAN FROILÁN
É o chamado Domingo das Mozas.
A idea é sair para estar en Lugo ás 12,00 e partir de Lugo de regreso sobre as 19,30.
Deberíamos visitar a Domus do Mitreo, por aquelo de ver o que fan culturalmente outras Universidades Galegas. Pero o certo é que este día hai un amplo programa de actividades:
Feira de antigüidades e coleccionismo, actividades de cestería, Feira Medieval, Misa en latín, Espectáculo de pompas de xabón e varios outros.
Mándanos o teu nome e centro a incude@udc.es

E lembra que o 10 de outubro remata o prazo para inscribirse na segunda edición do Torneo de Xadrez en liña. Tes todos os detalles en http://iniciativasuniversitarias.blogspot.com.es/2014/09/ii-campionato-interno-de-xadrez-en-lina.html

II Campionato Interno de Xadrez en Liña da Universidade da Coruña

INCUDE, continuando no seu labor de fomentar as actividades culturais e deportivas na UDC, quere convidarte desta vez a participar no II Campionato Interno de Xadrez en Liña da Universidade da Coruña.


Bases do II Campionato Interno de Xadrez en Liña da Universidade da Coruña:


1. Poderán participar tódolos membros da comunidade universitaria da UDC: estudantado, persoal de administración e servizos, persoal de proxectos e convenios, e persoal docente e investigador. Así mesmo poderán participar tamén os membros da escola universitaria de xadrez e os socios de INCUDE.

2. A plataforma de xogo será a de www.chess.com. Os participantes deberán ter unha conta, completamente gratuíta, na devandita páxina, e poderán xogar as partidas tanto vía web como nas aplicacións gratuítas para móbil de chess.com.

3. O torneo dará comezo o 15 de outubro de 2014. Todos os participantes deberán enviar unha mensaxe ao enderezo de correo electrónico incude@udc.es indicando o seu nome, apelidos, centro e usuario en chess.com antes do 10 de outubro. Para calquera dúbida ou suxerencia pódese mandar a mesma conta incude@udc.es.

4. A inscrición é gratuíta e non hai límite de prazas.

5. O sistema de xogo será de dobre round-robin (todos contra todos con ambas cores), cunha fase previa de grupos e unha posterior fase final, en función do número de participantes. A fase final, de habela, comezará en canto rematen tódolos grupos da fase previa. En cada grupo xogarase contra tódolos rivais a vez, primeiro cunha cor e logo coa contraria.

6. O ritmo de xogo será de tres días por xogada para toda a partida, con dereito a vacacións.

7. Os sistema de desempate será o empregado por chess.com en primeiro lugar (sonnenberg-berger), e de ser necesario os seguintes desempates aplicados pola organización: (1) sonnenberg-berger, (2) maior número de victorias, (3) maior número de victorias con negras, (4) resultado particular, e (5) sorteo.

7. A organización resérvase o dereito de adxudicar o resultado dunha partida se cre que se está alongando de xeito malintencionado evitando innecesariamente a finalización do torneo.

8. Non está permitido empregar módulos, bases de finais, ou consultar a outros xogadores. Si están permitidos libros de aperturas ou libros de calquera outra temática tanto físicos como virtuais. As decisións da plataforma de chess.com con respecto as trampas son inapelables. Se a organización entende que un xogador está a empregar módulos, este será expulsado do torneo.

10. Premios: Trofeo e agasallo para os tres primeiros.

11. A participación no torneo supón a aceptación das presentes bases.

SE QUERES PARTICIPAR NOUTRAS ACTIVIDADES DO NOSO EQUIPO DE XADREZ PASATE POLO CENTRO UNIVERSITARIO DE RIAZOR OS VENRES ÁS 19,30 HORAS OU APÚNTATE Á ESCOLA UNIVERSITARIA DE XADREZ QUE TEN LUGAR OS MÉRCORES AS 19:30 NO PAVILLÓN DE DEPORTES DE ELVIÑA

Xornada de Fotografía

Para aqueles que queiran facer en grupo as fotografías do noso concurso fotográfico e andar un pouco.
O venres 26 de setembro invitamos a todos a reunirse na Sala de Xadrez do Centro Universitario de Riazor ás 17,30 e sair a facer fotos.
Buscamos que a xente faga as mesmas co encuadre das publicadas na nosa web para deste xeito contemplar a evolución da cidade.
Non é necesario ter coñecementos de fotografía nin ter unha boa cámara, mais si perspicacia para saber onde están feitas algunhas delas.
Lembra que para entregar as fotos o prazo remata o 30 de setembro.

Concurso de fotografía

Aqui están todas as fotografías do Concurso.
Durante todo o mes de setembro hai a oportunidade de enviar as fotos.
Intentaremos organizar un destes días un safari fotográfico para quen prefira ir en grupo a localizar estes espazos.

Concurso de fotografía

Derradeira entrega do concurso de fotografía. Aínda que non o parezca, din que o edificio da foto superior estaba na cidade.

Concurso de fotografía

Penúltima entrega do concurso de fotografía. Non é demasiado complicado localizar estes espacios na Coruña actual.

Concurso de fotografía

Dúas novas fotos para o concurso fotográfico realizado por INCUDE e Palaestra.
De novo unha das fotos resulta moi doada de situar a pesar dos grandes cambios acontecidos e a outra mais complicada.

Concurso de fotografía

Dúas novas fotos. Unha delas moi sinxela, totalmente recoñecible e outra un pouco mais complicada, pero tamén pode ser doada para algún.

Semana de Xogos

Coincidindo coa celebración da Mind Sports Olympiad, dende INCUDE decidimos organizar tamén unha Semana de Xogos dendo o vindeiro luns 18 ao venres 22 de agosto.

LUNS 18:
19,30: Torneo de Damas

MARTES 19:
17,00: Torneo de Carcassonne
19,30: Torneo de Dominó

MÉRCORES 20:
17,00: Demostracións de DBA, Infinity, Blood Bowl e Twilight Struggle
19,30: Torneo de Sudoku

XOVES 21:
17,00: Torneo de Magic
19,30: Torneo de Trivial

VENRES 22:
19,30: Torneo de Xadrez Rápido

Entregarase un pequeno agasallo ao gañador de cada proba.
Establecerase unha clasificación xeral da mini-olimpiada. En cada torneo se darán puntos aos 10 primeiros clasificados: 10 puntos ao 1º, 9 puntos a 2º, 8 puntos ao 3º, etc. Sen límite de torneos.
Os tres primeiros da clasificación xeral recibirán un trofeo, así coma o mellor clasificado que sexa socio de INCUDE. Os trofeos non son acumulables.
Cota: 1 € por participar en todas as actividades dunha tarde.

Asimesmo, de luns a venres durante as mañás, impartiremos outro curso de xadrez infantil para menores de 14 anos. O custe será de 10 euros por persoa.

Todas as actividades se celebrarán no Sporting Club Casino, na rúa Real nº 83 na Coruña.

Lembra que están abertos os prazos para participar nos nosos concursos culturais!

Concurso de fotografía

Nova entrega do concurso de fotografía. Realmente moitos dos edificios seguen existindo, pero xa non se ve pasear á xente montada en burros nen o bus british.

Concurso de fotografía

Dúas novas fotos para o concurso. Dúas rúas da cidade moi cambiadas polo tempo.

Concurso de fotografía

Nova entrega das fotos do concurso. De novo temos unha foto na que a rúa non da moitas pistas e outra que debe resultar sinxela, aínda que o paso do tempo parece ir borrando tamén as cousas feitas en pedra.

Concurso de fotografía

Nova entrega do Concurso de Fotografía. Unha delas é ben doada de coñecer, pero resulta simpática polos cambios acontecidos e a outra xa non resulta tanto para moitos.

Concurso de fotografía

Seguimos coa publicación das fotos antigas da Coruña. Neste caso unha delas moi doada de localizar. A outra seguro que algúns non se decatan de primeiras pero tampouco tardarán moito.

Concurso de fotografía

Tal como dixeramos hai dous días empezamos a publicar dúas fotos periodicamente. As de hoxe non son moi dificiles. Así que o mais probable é que a xente as recoñeza... a ver quen nos fai chegar as fotos actuais desas zonas.

Concurso de fotografía

A Asociación Palaestra e a Asociación de Iniciativas Culturais e Deportivas Universitarias (INCUDE) colaboran nun concurso de fotografía baseado nos cambios experimentados na cidade da Coruña.

A idea é que os afeizoados a fotografía realicen unha fotografía no mesmo lugar que aparece na foto, de forma que se premiará á mellor serie de fotografías que reflexen este cambio.

Cada dous días publicaremos dúas fotografías totalizando coa de hoxe un total de 21 e loxicamente algunhas delas non serán moi doadas de situar na cidade de hoxe.

Buscamos deste xeito que a xente coñeza mais a historia recente da cidade e que valore os cambios arquitectónicos e urbanísticos entre A Coruña do século XX e a do século XXI.

As fotografías poden remitirse a incude@udc.es ata o 30 de setembro de 2014.

Coas fotografías realizarase un pequeno libro e una exposición. Ademais haberá os seguintes premios:

1º PREMIO: Trofeo, libro e 100 €
2º PREMIO: Trofeo, libro e 50 €
3º PREMIO: Trofeo, libro e 25 €

Concursos Culturais

I CONCURSO DE APLICACIÓNS CULTURAIS EN ANDROID

1.- Poderán participar todos os desenvolvedores que o desexen, ben de xeito individual ou formando equipos, cun máximo dunha aplicación para dispositivos Android.
2.- A CULTURA deberá estar presente en todas as aplicacións da presente convocatoria.
3.- A inscrición no concurso se realizará enviando unha mensaxe de correo electrónica a incude@udc.es . No corpo da mensaxe deberanse indicar o(s) nome(s) do(s) participante(s) e
a) unha ligazón a páxina da aplicación publicada na Google Play Store, ou
b) o ficheiro .apk coa aplicación se non se desexa publicala
4.- As aplicacións participantes neste concurso estarán dispoñible para a súa descarga de balde na Google Play Store alomenos ata o 31 de decembro de 2015. Por elo, aquelas aplicacións que non sexan publicadas directamente polo desenvolvedor serán publicadas por INCUDE.
5.- O prazo de admisión comezará o 1 de agosto e finalizará o 31 de outubro de 2014.
6.- O xurado será proposto pola entidade organizadora con presenza de desenvolvedores profesionais de aplicacións móbiles. Actuará coma secretario o presidente de INCUDE.
7.- O xurado dará a coñecer o seu veredicto o día 15 de novembro de 2014. O fallo será inapelable e publicitarase seguidamente a través da web oficial, así como ao correo desde o que se remitiu a aplicación.
8.- Os criterios de valoración serán: (1) O correcto funcionamento da aplicación. (2) A creatividade e a innovación. (3) A utilidade social. (4) Que esté dirixida a un amplo grupo de poboación. (5) A calidade técnica.
9.- Establécense os seguintes premios:
1º PREMIO: 200 € - 2º PREMIO: 100 € - 3º PREMIO: 50 € - 4º PREMIO: 30€ - 5º PREMIO: 20€
O xurado poderá declarar deserto todos ou algúns dos premios do presente concurso.
10.- A presentación a este concurso implica a aceptación destas bases. Os casos non previstos serán resoltos pola organización.

I CERTAME DE RECREACIÓN FOTOGRÁFICA

A través da fotografía pretendemos dar a coñecer os cambios acontecidos na cidade da Coruña.
Durante o mes de agosto publicaranse na nosa web 20 fotografías de principios do século XX.
As fotografías do concurso deberán ser fotografías actuais do mesmo lugar das fotos publicadas.
As fotografías poden remitirse a incude@udc.es ata o 30 de setembro de 2014.
Coas fotografías realizarase un pequeno libro e una exposición. Ademais haberá os seguintes premios:
1º PREMIO: Trofeo, libro e 100 €
2º PREMIO: Trofeo, libro e 50 €
3º PREMIO: Trofeo, libro e 25 €

EXCURSION AO ORTEGAL

DOMINGO 29 DE XUÑO DE 2014 
Aproveitando a celebración dunhas actividades de xadrez

Saída:
9,30: Centro Universitario de Riazor
O bus sairá dende a parada situada na Casa do Auga.
Realizaremos unha parada en Alfonso Molina, fronte ao Campus de Elviña.

11,45: Chegada a Ortigueira.

O nome "Ortigaria" aparece na Idade Media, nunha relación de terras incluídas no condado de Montenegro. No 929, o rei galaico Afonso IV puxo as terras de "Orticaria" baixo o mando dun dos seus sobriños, Gutiérrez (pai de San Rosendo).

Paseo pola Vila.

Visita logo á Estaca de Bares, espazo protexido catalogado como sitio natural de interese nacional localizado no Mar Cantábrico, na parroquia de Bares, en Mañón, A Coruña. Constitúe o punto máis ó norte da Península Ibérica. Con 2.500 mm ó ano é unha dos lugares máis chuviosos de Europa, o que creou un ecosistema único. E veremos o Coido de Bares, escolleira de 300 m. de longo. Maciñeira daballe unha orixe fenicia, datandoo no século VII a.C. polo achádego dunhas moedas púnicas, hoxe apuntase mais a un orixe romana desta construcción.

Regreso a Ortigueira.
Pausa para Xantar.
(14,00-16,00 aproximadamente)
Cada viaxeiro encárgase da súa comida. Se vai bo tempo achegarémonos á praia de Ortigueira.

16,30: Cariño
Visitas ao Cabo Ortegal un dos punto máis setentrionais da Península Ibérica, só superado polo cabo da Estaca de Bares. Algúns consideran este cabo e non o de Bares o quilómetro cero do Mar Cantábrico. Polo seu extraordinario valor xeolóxico, morfolóxico, ornitolóxico e, por suposto, paisaxístico, Ortegal está incluído no lugar de interese comunitario Costa Ártabra.

Logo veremos a Vixía Herbeira, o punto máis alto da Serra da Capelada, onde se achan os cantís cunha maior cota sobre o nivel do mar da Europa continental, con 613 metros sobre o mesmo e o cuarto de maior altura de Europa se incluímos as illas.

Mais tarde achegaremonos á capela de San Andrés, famoso santuario onde, segundo o devandito popular
vai de morto quen non foi de vivo. Os romeus tiñan o costume de tirar unha pedra nos túmulos ou "milladoiros" que se atopaban a ambos os dous lados do camiño.

Retorno á Coruña ás 19,30 desde Cariño.

A colaboración cos gastos do bus son 5 euros por persoa.

Todos os viaxeiros que xoguen os torneos de Xadrez terán como agasallo unha camisola do Club de Iniciativas Deportivas Universitarias.

Final do I Campionato en liña da UDC

Xogouse a fase final do I Campionato en liña da UDC. Estaban clasificados os 3 primeiros de cada un dos tres grupos da fase previa. Por elo os favoritos eran Santymagno, Pampin, zerdeja1969, LoLTheoretician e Chouso, por este orden.

Axiña as incomparecencias fixeronse patentes e, a pesares de que había a opción de coller 10 días de vacacións e esperouse a comezar ata despois dos exames, varios xogadores perderon varias ou todas as partidas da final. Estes xogadores foron TheRealTod, ecs41 e danidt, aos que se engadiría máis avanzado o torneo un dos favoritos, zerdeja1960.

Así pois, realmente o torneo xogouse nunha final a 5 onde foron destacándose pouco a pouco os favoritos. Santymagno e LoLTheoretician comezaron con moita forza gañando todas as suas partidas da ida mentres que os outros 3 ían pinchando. O enfrontamento directo entre os dous novos favoritos ía decantándose da parte de LoLTheoretician, que gañou todas as partidas da ida. No terceiro posto colocábase Pampin con algúns altibaixos.

Na fase de volta Pampin recobraba folgos cunha merecida victoria fronte a Santymagno e boas perspectivas fronte aos demais. Lamentablemente aquí aconteceu unha situación que marcou o desenrolo vindeiro do resto do torneo, nos Carnavais Pampin non se poido conectar e non puxo vacacións, así que perdeu varias das suas partidas en xogo, facéndolle moi difícil chegar xa ao podio.

Con este percance, a victoria quedaba so en mans dous dous primeiros: LoLTheoretician e Santymagno. Santymagno tiña xa 2 derrotas e aínda que presionou ao seu rival ata conseguir facerlle perder a sua única partida no torneo, a sua solidez gañando todalas demais partidas deulle unha cómoda e merecida victoria a LoLTheoretician. A terceira praza foi para Chouso despois dunha boa fase de volta e coa axuda da retirada de Pampin, que aínda así quedou cuarto. Quinto foi jmandion.

A entrega de premios aos tres primeiros clasificados será o 27 de abril no Sporting Club Casino da Coruña xunto coa entrega de premios da Copa Galicia. Moitas grazas pola ampla participación (34 xogadores) e esperamos que o ano que ven sexamos moitos máis.



Clasificación Final:

1º LoLTheoretician
2º Santymagno
3º Chouso

https://www.chess.com/tournament/udc-fase-final/pairings

Clasificación Final de Consolación:

1º Gamusino

https://www.chess.com/tournament/udc-final-de-consolacioacuten/pairings


Fase previa - Grupo 1: https://www.chess.com/tournament/udc-fase-previa-g1/pairings

Fase previa - Grupo 2: https://www.chess.com/tournament/udc-fase-previa-g2/pairings

Fase previa - Grupo 3: https://www.chess.com/tournament/udc-fase-previa-g3/pairings