Concursos Culturais

I CONCURSO DE APLICACIÓNS CULTURAIS EN ANDROID

1.- Poderán participar todos os desenvolvedores que o desexen, ben de xeito individual ou formando equipos, cun máximo dunha aplicación para dispositivos Android.
2.- A CULTURA deberá estar presente en todas as aplicacións da presente convocatoria.
3.- A inscrición no concurso se realizará enviando unha mensaxe de correo electrónica a incude@udc.es . No corpo da mensaxe deberanse indicar o(s) nome(s) do(s) participante(s) e
a) unha ligazón a páxina da aplicación publicada na Google Play Store, ou
b) o ficheiro .apk coa aplicación se non se desexa publicala
4.- As aplicacións participantes neste concurso estarán dispoñible para a súa descarga de balde na Google Play Store alomenos ata o 31 de decembro de 2015. Por elo, aquelas aplicacións que non sexan publicadas directamente polo desenvolvedor serán publicadas por INCUDE.
5.- O prazo de admisión comezará o 1 de agosto e finalizará o 31 de outubro de 2014.
6.- O xurado será proposto pola entidade organizadora con presenza de desenvolvedores profesionais de aplicacións móbiles. Actuará coma secretario o presidente de INCUDE.
7.- O xurado dará a coñecer o seu veredicto o día 15 de novembro de 2014. O fallo será inapelable e publicitarase seguidamente a través da web oficial, así como ao correo desde o que se remitiu a aplicación.
8.- Os criterios de valoración serán: (1) O correcto funcionamento da aplicación. (2) A creatividade e a innovación. (3) A utilidade social. (4) Que esté dirixida a un amplo grupo de poboación. (5) A calidade técnica.
9.- Establécense os seguintes premios:
1º PREMIO: 200 € - 2º PREMIO: 100 € - 3º PREMIO: 50 € - 4º PREMIO: 30€ - 5º PREMIO: 20€
O xurado poderá declarar deserto todos ou algúns dos premios do presente concurso.
10.- A presentación a este concurso implica a aceptación destas bases. Os casos non previstos serán resoltos pola organización.

I CERTAME DE RECREACIÓN FOTOGRÁFICA

A través da fotografía pretendemos dar a coñecer os cambios acontecidos na cidade da Coruña.
Durante o mes de agosto publicaranse na nosa web 20 fotografías de principios do século XX.
As fotografías do concurso deberán ser fotografías actuais do mesmo lugar das fotos publicadas.
As fotografías poden remitirse a incude@udc.es ata o 30 de setembro de 2014.
Coas fotografías realizarase un pequeno libro e una exposición. Ademais haberá os seguintes premios:
1º PREMIO: Trofeo, libro e 100 €
2º PREMIO: Trofeo, libro e 50 €
3º PREMIO: Trofeo, libro e 25 €

EXCURSION AO ORTEGAL

DOMINGO 29 DE XUÑO DE 2014 
Aproveitando a celebración dunhas actividades de xadrez

Saída:
9,30: Centro Universitario de Riazor
O bus sairá dende a parada situada na Casa do Auga.
Realizaremos unha parada en Alfonso Molina, fronte ao Campus de Elviña.

11,45: Chegada a Ortigueira.

O nome "Ortigaria" aparece na Idade Media, nunha relación de terras incluídas no condado de Montenegro. No 929, o rei galaico Afonso IV puxo as terras de "Orticaria" baixo o mando dun dos seus sobriños, Gutiérrez (pai de San Rosendo).

Paseo pola Vila.

Visita logo á Estaca de Bares, espazo protexido catalogado como sitio natural de interese nacional localizado no Mar Cantábrico, na parroquia de Bares, en Mañón, A Coruña. Constitúe o punto máis ó norte da Península Ibérica. Con 2.500 mm ó ano é unha dos lugares máis chuviosos de Europa, o que creou un ecosistema único. E veremos o Coido de Bares, escolleira de 300 m. de longo. Maciñeira daballe unha orixe fenicia, datandoo no século VII a.C. polo achádego dunhas moedas púnicas, hoxe apuntase mais a un orixe romana desta construcción.

Regreso a Ortigueira.
Pausa para Xantar.
(14,00-16,00 aproximadamente)
Cada viaxeiro encárgase da súa comida. Se vai bo tempo achegarémonos á praia de Ortigueira.

16,30: Cariño
Visitas ao Cabo Ortegal un dos punto máis setentrionais da Península Ibérica, só superado polo cabo da Estaca de Bares. Algúns consideran este cabo e non o de Bares o quilómetro cero do Mar Cantábrico. Polo seu extraordinario valor xeolóxico, morfolóxico, ornitolóxico e, por suposto, paisaxístico, Ortegal está incluído no lugar de interese comunitario Costa Ártabra.

Logo veremos a Vixía Herbeira, o punto máis alto da Serra da Capelada, onde se achan os cantís cunha maior cota sobre o nivel do mar da Europa continental, con 613 metros sobre o mesmo e o cuarto de maior altura de Europa se incluímos as illas.

Mais tarde achegaremonos á capela de San Andrés, famoso santuario onde, segundo o devandito popular
vai de morto quen non foi de vivo. Os romeus tiñan o costume de tirar unha pedra nos túmulos ou "milladoiros" que se atopaban a ambos os dous lados do camiño.

Retorno á Coruña ás 19,30 desde Cariño.

A colaboración cos gastos do bus son 5 euros por persoa.

Todos os viaxeiros que xoguen os torneos de Xadrez terán como agasallo unha camisola do Club de Iniciativas Deportivas Universitarias.

Final do I Campionato en liña da UDC

Xogouse a fase final do I Campionato en liña da UDC. Estaban clasificados os 3 primeiros de cada un dos tres grupos da fase previa. Por elo os favoritos eran Santymagno, Pampin, zerdeja1969, LoLTheoretician e Chouso, por este orden.

Axiña as incomparecencias fixeronse patentes e, a pesares de que había a opción de coller 10 días de vacacións e esperouse a comezar ata despois dos exames, varios xogadores perderon varias ou todas as partidas da final. Estes xogadores foron TheRealTod, ecs41 e danidt, aos que se engadiría máis avanzado o torneo un dos favoritos, zerdeja1960.

Así pois, realmente o torneo xogouse nunha final a 5 onde foron destacándose pouco a pouco os favoritos. Santymagno e LoLTheoretician comezaron con moita forza gañando todas as suas partidas da ida mentres que os outros 3 ían pinchando. O enfrontamento directo entre os dous novos favoritos ía decantándose da parte de LoLTheoretician, que gañou todas as partidas da ida. No terceiro posto colocábase Pampin con algúns altibaixos.

Na fase de volta Pampin recobraba folgos cunha merecida victoria fronte a Santymagno e boas perspectivas fronte aos demais. Lamentablemente aquí aconteceu unha situación que marcou o desenrolo vindeiro do resto do torneo, nos Carnavais Pampin non se poido conectar e non puxo vacacións, así que perdeu varias das suas partidas en xogo, facéndolle moi difícil chegar xa ao podio.

Con este percance, a victoria quedaba so en mans dous dous primeiros: LoLTheoretician e Santymagno. Santymagno tiña xa 2 derrotas e aínda que presionou ao seu rival ata conseguir facerlle perder a sua única partida no torneo, a sua solidez gañando todalas demais partidas deulle unha cómoda e merecida victoria a LoLTheoretician. A terceira praza foi para Chouso despois dunha boa fase de volta e coa axuda da retirada de Pampin, que aínda así quedou cuarto. Quinto foi jmandion.

A entrega de premios aos tres primeiros clasificados será o 27 de abril no Sporting Club Casino da Coruña xunto coa entrega de premios da Copa Galicia. Moitas grazas pola ampla participación (34 xogadores) e esperamos que o ano que ven sexamos moitos máis.



Clasificación Final:

1º LoLTheoretician
2º Santymagno
3º Chouso

https://www.chess.com/tournament/udc-fase-final/pairings

Clasificación Final de Consolación:

1º Gamusino

https://www.chess.com/tournament/udc-final-de-consolacioacuten/pairings


Fase previa - Grupo 1: https://www.chess.com/tournament/udc-fase-previa-g1/pairings

Fase previa - Grupo 2: https://www.chess.com/tournament/udc-fase-previa-g2/pairings

Fase previa - Grupo 3: https://www.chess.com/tournament/udc-fase-previa-g3/pairings

Desenrolo do Campionato en liña

A estas alturas do Campionato, vanse aclarando xa bastantes cousas.

No grupo 1 temos xa clasificados aos xogadores Santymagno e Pampin. A terceira praza está un pouco máis disputada. O favorito a esa praza e danidt, xogador do CIDU, pero poderían disputarlle a praza xogadores coma adribeta1995 ou lnewcas, ainda que o teñen moi difícil.

No grupo 2 están xa clasificados diosdelmambo e chouso. Pola terceira posición, unha vez retirada a mellor xogadora do torneo, maria_castro, hai unha loita moi pechada entre jmandion e ecs41, ambos ex-xogadores de equipos de AGAX. A ida a gañou jmandion e nestes momentos é clave a partida que están a disputar estes xogadores.

No grupo 3 hai unha loita encarnizada entre varios dos xogadores. O que mais fácil o ten é TheRealTod, que gañou os seus principales xogadores. Tamén está a xogar moi ben LoLTheoretician para clasificarse. Con menos partidas pero paso firme está tamén zerdeja1960, outro xogador do CIDU. O cuarto en discordia, que comezou moi ben pero foi perdendo fol e roberto1971. Por último, gamusino, cun paso moi lento, podería ter unhas mínimas posibilidades.

Non vos perdades as partidas destes xogadores, que están a ser dunha calidades mais que boa.

En xogo o I Campionato de xadrez en liña

Xa está en xogo o I Campionato en liña da UDC. Finalmente son 33 os participantes que están a xogar, repartidos en 3 grupos de 11 cada un. Pasarán a unha final a 9 os tres mellores de cada grupo.

Estes son os links aos 3 torneos previos, por se queredes votar unha ollada as partidas:

http://www.chess.com/tournament/udc-fase-previa-g1

http://www.chess.com/tournament/udc-fase-previa-g2

http://www.chess.com/tournament/udc-fase-previa-g3

Por facultades cabe destacar a ampla participación da facultade de informática, con ata 9 participantes.

Pasado o ecuador de cada grupo, van decantándose os postos que dan acceso a final, con mais ou menos 5 xogadores con posibilidades en cada grupo para as tres prazas. Cabe sinalar o grupo 3 cunha gran rivalidade onde os 5 primeiros teñen un nivel moi parello e calquera podería quedarse fora.

Como o tempo que lle dedica cada un a cada partida e moi diverso, xogadores en teoría mais febles poden gañarlle a xogadores mais fortes dedicandolle un tempo, non moito, a calcular variantes. Así, xogadores con elo fide que xogan asiduamente competicións están a caer ante xogadores en teoría inferiores.

I Campionato Interno de Xadrez en Liña

INCUDE, continuando no seu labor de fomentar as actividades culturais e deportivas na UDC, quere convidarte desta vez a participar no I Campionato Interno de Xadrez en Liña da Universidade da Coruña.

Bases:

1. Poderán participar todos os membros da comunidade universitaria da UDC: estudantado, persoal de administración e servizos, persoal de proxectos e convenios, e persoal docente e investigador.

2. O torneo dará comezo o 28 de outubro de 2013. Todos os participantes deberán enviar unha mensaxe ao enderezo de correo electrónico incude@udc.es dende a súa conta @udc.es indicando o seu nome, apelidos e centro, antes do 25 de outubro. INCUDE comunicará aos inscritos a plataforma que se empregará para o torneo.

3. A inscrición é gratuita e non hai límite de prazas.

4. O sistema de xogo será de doble round-robin (todos-contra-todos con ambas cores), cunha única fase definitiva.

5. O ritmo de xogo será de dous días acumulables por xogada para toda a partida, sen dereito a vacacións.

6. Os sistemas de desempate serán, por esta orde: (1) sonnenberg-berger, (2) maior número de victorias, (3) maior número de victorias con negras, (4) resultado particular, e (5) sorteo.

7. A organización resérvase o dereito de adxudicar o resultado dunha partida se cre que se está alongando de xeito malintencionado evitando innecesaria- mente a finalización do torneo.

8. En ningún caso está permitido empregar módulos, bases de finais, ou consultar a outros xogadores. Si están permitidos libros de aperturas ou libros de calquera outra temática tanto físicos como virtuais.

9. Se a organización entende que un xogador está a empregar módulos, este será expulsado do torneo.

10. Premios: Trofeo e agasallo para os tres primeiros.

11. A participación no torneo supón a aceptación das presentes bases.

SE QUERES PARTICIPAR NOUTRAS ACTIVIDADES DO NOSO EQUIPO DE XADREZ PASATE POLO CENTRO UNIVERSITARIO DE RIAZOR OS VENRES ÁS 19,30 HORAS

Xuntanza de INCUDE

Celebrouse o venres 13 de setembro no CUR a Xuntanza de INCUDE, na que estiveron presentes o presidente José Manuel Andión, o vicepresidente Diego García-Muñoz, o secretario Santiago Domínguez e o tesoureiro Daniel Codesido.

Os puntos na orde do día foron os seguintes:

1. Valoración do programa de actividades culturais realizados no verán.

2. Fomento da inscrición na escola universitaria de xadrez no novo curso 2013-2014.

3. Organización do torneo en liña da UDC.